E Glaibasler Oobe: Diefflieger

Musigg:

inschpiriert vo Rock, Pop, Country, Blues, Basler Schlager, Volksmuusigg, Jääzz

Info:

Syt säggsezwanzig Joor sin sy e feschti Grössi vor allem im Glaibasel, aber au wyt über d Kantonsgränze uuse: Die säggs keepfigi Kultband Diefflieger. Egal ebb fyr jung oder alt, wenn sy uf dr Bihni steen, denn fäggts. Ihri Musigg het dr  Basler Schlager etabliert, vyyli Songs sin aber au inschpiriert vo Blues, Rock, Pop und e bizzeli Punk.. 

Songs wie „Säuli, Säuli, du kunnsch hütte dra“, „Basler Rhyviera“, „Glaibasler Wälle“ oder „Fährimaa“ hän über d Gränze d Rundi gmacht. Mitdanze, mitsinge und s eifach guet zämme ha. D Konzärt vo de Diefflieger sin Balsam fyr alli Glaibasler Härze und die wo s Glaibasel liebe. Dr Band isch glyych, ebb sy uf ere glaine, schnugglige Bihni oder vor mehrere tuusig Lyt schpiile.

Do sin sy jo richtig bi uns im glaine aber faine Parterre One.

E Glaibasler Oobe mit de Diefflieger. In Zämmearbet mit dr Glaibaslerzytig.

Band:

Walter „Wäppi“ Aeppli (Songwriter, Vocals, Gitarrre)

Michael Aeppli (Keyboard, Piano, Bass)

Tobi Widmer (Akkordeon, Banjo, Gitarre)

Rafi Neubauer (Leadgitarre)

Michel Argast (Schlagzeug)

Matthias Colombini (Gastmusiker, Dudelsack)